MANBEI A KIHAWM BIBLE HILCHIET 
Bible Hilchiet hohi PDF format a um ahin, Adobe Reader© asuoh thah pentoh simthei ahi.

JOHN SUT KIPANA THUPHA HILCHIET
(The Gospel of John; I, II & III John)

ROME MITE HENGA LEKHATHOT
(Book of Romans)

KITEPNA LUI LEKHABU VETCHILNA
(Old Testament Survey)

THULHUNTHAH KHUOLCHILNA
(New Testament Survey)

Hiche Bible simding dan kihilna hi manbei a online a hung kisodoh ahi. Bible hi itahsannao hungkondohna (huhhingna) leh anatoh a (christian hinkho) vetsahna ahi. Bible dihtah a ledoh theina dia angaikhoh pipen ho chu ahileh; (1) thusim umdan hetding (2) lekhabu kijih phatlaija thil umdanho hetthiemding (3) pao kimandan (4) thucheng kimandan (5) lekhathot jihpa leh athiljih ho thusim umdan hetthiemding chuleh (6) Bible mundang a akibahpi holdohding ( ajeh chu Bible hi Pathen in ahaikhum thuthieng ahin, Bible lethiempen chu Bible mama hi ahi.Bible hi thutah kimuna mun ahi)
Hiche hilchet sempa hi thepna lam a jilna sangtah neikhat ahi (ama thusim nahetbe nom leh www.freebiblecommentary.org hi ven). Hilchet sempan adeisah phabepho chu ahileh:
  1.  Nangma macham a Bible simnomna naneiding( Nang, Bible chuleh Lhagao Theng chu apoimo pentah ahi)
  2.  Bible thu nahetho kholchil a, hetbe angaina ho a Bible ledoh dan jatchomchom ho hilding
  3.  Bible thumun khat in atup pipen hetdoh ahiteng leh hiche thuhil chu nangma chondan leh hinkho a chepi ding ahi. Bible a kihilna hohin lamchomchom a kilah lut thei ahin, hinlah doikhat tup khat bou anei in ahi.
  4. Hermeneutical principles kiti Bible dihtah a ledohna dan ho hin Bible thumun khat in hiche atina ahi ti mong seichen thei hih jong leh, ahiloulambeh a Bible ledoh adihloudan hettheina apien ahi.
  5.  Hermeneutics hi Bible dihtah a ledoh theina dia manchah phatah ahi. Tulai a Bible leho thudoh chu ahileh, ‘Hiche Bible thumun hin nangdia ipi atina ham?’ ti adong un ahi. Thudoh phajep ding joh chu ahileh, ‘Hiche thumun hin lekhabu kijihlaija miho kom a chu ipi aseinom ahidem chuleh hiche thutah chu tulaija keima hinkho a iti kachepi theiding ham?’ tijoh hiding dan ahi.
Ka Bible hilchet hohin nangdia jong phattheibohna ahiding kakinem in chuleh Bible a chaang chaang a hilchet kibol hohin Pathen toh nakinaisah chom ding chu kataona leh kakinepna ahi.

Dr. Bob Utley
Professor of Hermeneutics (Retired)
 
Copyright © 2012 Bible Lessons International, P.O. Box 1289, Marshall, TX 75671, USA